Antioksidantët
Lëngu i shegës përmban më shumë antioksidantë sesa shumica e lëngjeve të frutave. Ai ka gjithashtu tre herë më shumë antioksidantë sesa vera e kuqe dhe çaji jeshil. Antioksidantët e lëngut të shegës mund të ndihmojnë në mbrojtjen e qelizave dhe të zvogëlojnë inflamacionin.
Vitamina C
Lëngu i një shege të vetme përmban më shumë se 40% të nevojës ditore për vitaminë C. Këshillohet të konsumoni lëng të freskët shege të bërë në shtëpi duke shmangur produktet e paketuara.
Parandalimi i kancerit
Së fundmi, studiues të shumtë janë të mendimit se shegët mund të zvogëlojnë shumimin e qelizave të kancerit. Studimet janë ende në fazën fillestare, por rezultatet duken të kënaqshme.
Mbrojtja nga Alzheimer
Antioksidantët e pranishëm në lëngun e shegës besohet se ndihmojnë në luftën kundër sëmundjes së Alzheimer-it duke përmirësuar kujtesën.
Tretja
Lëngu i shegës zvogëlon inflamacionin në zorrë dhe përmirëson tretjen.
Artriti
Gjithnjë e më tepër, lëngu i shegës po studiohet për efektet e dobishme në kurimin e osteoporozës, artritit reumatoid dhe llojeve të tjera të inflamacionit të nyjeve.
Sëmundjet e zemrës
Lëngu i shegës konsiderohet si një nga lëngjet më të shëndetshëm për sëmundjet kardiovaskulare. Ai mbron zemrën dhe arteriet.
Presioni i gjakut
Shega ka efekt edhe në uljen e presionit të lartë të gjakut. Mjekët këshillojnë që personat që hasin një problem të tillë, të konsumojnë çdo ditë lëng shege.
Antiviral
Për shkak të vitaminës C dhe ushqyesve të tjerë, lëngu i shegës forcon imunitetin, parandalon sëmundjet dhe infeksionet. Shegët janë të njohura për vetitë antibakteriale dhe efektet kundër viruseve.
Vitaminat e tjera
Përpos vitaminës C, shegët përmbajnë edhe vitaminë E dhe K.
Performanca seksuale dhe fertiliteti
Besohet se lëngu i shegës ka veti në performancën seksuale duke qenë se ndikon te hormonet përkatëse. Po kështu studime të ndryshme po merren edhe me efektin që kanë shegët në fertilitet.
Performanca sportive
Qershitë dhe panxhari janë po aq përmirësues të aftësive sportive sa edhe shegët, që pakësojnë dhimbjet dhe përshpejtojnë rikuperimin.
Diabeti
Shega është përdorur gjithnjë si ilaç për diabetin në Lindjen e Mesme dhe Indi. Ende nuk ka studime të sakta, besohet se ndihmon në uljen e sheqerit në gjak
