20 minuta pas ndërrimit të viteve, ndërron jetë babagjyshi i Vitit të Ri në Greqi, e ‘tradhëtoi’ zemra pasi shpërndau dhuratat

Qyteti i Lamisë në Greqi është ‘mbytur’ në trishtim në ditën e parë të këtij vitit, pas vdekjes së Santa Claus. Mediat vendase shkruajnë se 48-vjeçari Nikos Spanos, i cilësuar si Babagjyshi i qytetit ndërroi jetë 20 minuta pasi ora kaloi 00:00. Shkak për këtë ngjarje të rëndë u bë një sulm në zemër që pësoi 48-vjeçari. Nikos Spanos si çdo vit veshi kostumin e kuq të Santa Claus dhe filloi t’i shpërndante dhurata për njerëzit, por zemra e tij “e tradhtoi”.Spanos la pas dy fëmijët e tij, të moshës 19 dhe 15 vjeç, përveç shumë fëmijëve të qytetit që e adhuronin atë.