“28 Nëntori i sivjetëm na gjen të goditur fort, por jo të thyer”. Me këto fjalë ministri i Brendshëm Sandër Lleshaj ka postuar në profilin e tij në Fb një detaj prekës nga Thumana, një nga qytetet e goditura më rëndë dhe me numrin më të madh të viktimave nga tërmeti i 26 nëntorit.
Nga gërmimet në rrënoja për të nxjerrë trupat, u gjet një flamur i cili ka shkaktuar emocion tek grupi personave të kërkim shpëtimit.
POSTIMI
28 Nëntori i sivjetëm na gjen të goditur fort, por jo të thyer.
Ky flamur, që u gjet pak minuta para mesnatës së mbrëmshme, shumë pranë viktimave të fundit të nxjerra nga gërmadhat në Thumanë, sikur i ndriçoi sytë dhe zemrat e heronjve shqiptarë, që edhe me thonj kanë gërmuar pa pushim për të shpëtuar atë që mund të shpëtohej.
Ishte ky flamur, i nxjerë nga rrënojat, që për pak çaste e largoi dhimbjen e përzishme dhe ktheu dritën e shpresës.
Le të jetë ky flamur, lutja jonë për shpirtrat e atyre që e lanë pas, si simbolin më të lartë që bën bashkë shqiptarët kudo që janë dhe mesazhi ynë për nderimin e Festës sonë kombëtare.
Rroftë Shqipëria!🇦🇱
