3 vende të lira pune në Butrint, pozicionet dhe kriteret e aplikimit

Fondacioni për Menaxhimin e Butrintit njofton 3 vende të lira pune me kohë të plotë në pozicionet: Specialist Konservimi; Menaxher i Shërbimeve për Vizitorët; Menaxher i Infrastrukturës.

Aplikimet janë hapur deri më datën 27 dhjetor 2024. Me shume detaje i gjeni në vijim të njoftimeve të plotë sipas pozicionit përkatës.

SPECIALIST KONSERVIMI

PËRSHRKIMI I PUNËS

Specialisti i Konservimit, mbështet dhe avancon misionin dhe vizionin e Fondacionit për Menaxhimin e Butrintit. Është përgjegjës për monitorimin, dokumentimin dhe raportimin e gjendjes së monumenteve si dhe kontribuon në propozimin e masave për konservimin e tyre.

Përgjegjësitë:

Vlerësimi dhe Monitorimi

• Kryerja e vlerësimeve të rregullta dhe të thelluara të statusit të ruajtjes të pasurive kulturore si dhe ndikimin e faktorëve natyrorë mbi to.

• Zbatimi i programeve monitoruese periodike për të gjurmuar ndryshimet në strukturat e aseteve kulturore.

• Monitorimi i projekteve dhe aktiviteteve të tjera që lidhen me vlerësimin, konservimin, monitorimin dhe mirëmbajtjen e trashëgimisë kulturore.
Dokumentimi

• Dokumentimi dhe raportimi i gjendjes së pasurive kulturore duke identifikuar fazat e ndryshme të ndërtimit, ndërhyrjet e mëparshme dhe gjendjen aktuale.

• Dokumentimi dhe raportimi i gjendjes së monumenteve para dhe pas çdo ndërhyrje konservuese dhe restauruese.

• Mbajtja dhe përditësimi i një dokumentacioni të detajuar të aktiviteteve të konservimit, duke përfshirë gjetjet, metodologjitë dhe rezultatet.
Planifikimi i nevojës për konservim

• Zhvillimi dhe zbatimi i planeve gjithëpërfshirëse për mirëmbajtjen dhe konservimin e monumenteve, strukturave arkeologjike dhe aseteve të tjera kulturore.

• Propozon dhe raporton nevojën për ndërhyrje mirëmbajtëse e konservuese.

• Propozon, përgatit dhe raporton zgjidhje teknike për ruajtjen e monumenteve

• Bashkëpunon me palët e interesuara për të garantuar përputhjen me standardet dhe parimet e konservimit.

Konservimi dhe mirëmbajtja

• Mbikëqyrja në terren i proceseve të përditshme të mirëmbajtjes dhe projekteve të konservimit për pasuritë kulturore.

• Propozimi dhe zbatimi i masave parandaluese për të zbutur rreziqet e mundshme të tilla si fatkeqësitë natyrore ose aktivitetet e paautorizuara

• Përgatitja e specifikimeve teknike dhe kostove për materialet e nevojshme për mbarëvajtjen e punës.

Bashkëpunimi me ekspertë të fushave të ndryshme

• Bashkëpunimi me ekspertë të tjerë, specialistë në fushën e arkeologjisë, hidrologjisë, ekologjisë, gjeologjisë etj, për të siguruar një qasje shumë disiplinore ndaj konservimit.

• Pjesëmarrja në seminare dhe trajnime për të shkëmbyer dhe fituar njohuri të mëtejshme mbi metodat dhe praktikat e konservimit.
Pajtueshmëria dhe raportimi

• Sigurimi i pajtueshmërisë me rregulloret dhe standardet kombëtare dhe ndërkombëtare të ruajtjes.

• Asiston në përmbushjen e kërkesave dhe kritereve për miratimin dhe marrjen e lejeve nga autoritetet përkatëse sipas legjislacionit për trashëgiminë kulturore për ndërhyrjet në pasuritë kulturore.

• Garanton përdorimin e teknikave dhe materialeve të lejuara dhe miratuara, që sipas njohurive dhe provave të analizuara nuk ndikojnë negativisht në strukturat e monumenteve.

• Përgatitja e raporteve të detajuara mbi aktivitetet e mirëmbajtjes dhe konservimit, ecurinë e tyre, sfidat dhe raportimin e tyre tek Menaxheri i Konservimit.

AFTËSITË E KËRKUARA

Edukimi • Diplomë në një nga fushat si: Inxhinieri Ndërtimi, Arkitekturë.

• Preferohen diploma shtesë, si master ose specializime specifike në fushën e konservimit dhe restaurimit të trashëgimisë kulturore.

Eksperienca e Punës • Të paktën 5 vite eksperiencë pune në fushat e mësipërme.

• Eksperienca të mëparshme në konservimin/ restaurimin e monumenteve të kulturës, strukturave arkeologjike dhe pasurive të tjera të trashëgimisë kulturore.

• Preferohet disponimi i liçensave për ndërhyrje në pasuritë kulturore

Cilësitë • Të ketë përvojë në zhvillimin dhe zbatimin e ndërhyrjeve mirëmbajtëse dhe konservuese të monumenteve të kulturës dhe aseteve të tjera të trashëgimisë kulturore.

• Të ketë aftësi të kryej hulumtime dhe kërkime historike në lidhje me historinë e monumenteve/ strukturave arkeologjike duke identifikuar fazat e ndryshme të ndërtimit dhe ndërhyrjet e mëparshme konservuese, si pjesë e dokumetimit të tyre përpara çdo ndërhyrje.

• Të ketë njohuri në analizimin dhe vlerësimin e gjendjes së monumenteve dhe të propozojë masa konkrete për konservimin e tyre.

• Të ketë njohuri dhe përvojë në sigurimin e pajtueshmërisë me ligjet, rregulloret dhe standardet kombëtare dhe ndërkombëtare në fushën e konservimit.

• Të ketë aftësi komunikuese dhe ndërpersonale për të bashkëpunuar me palët e interesuara brenda dhe jashtë institucionit.

• Të ketë njohuri në përdorimin e programeve kompjuterike si AutoCAD, Modelim 3D dhe GIS.
Komunikimi • Të ketë aftësi të mira komunikimi në gjuhën angleze

DOKUMENTA PËR DORËZIM

• Curriculum Vitae
• Letër motivimi
• Dy letra referimi

I gjithë dokumentacioni i aplikimit duhet të dërgohet në gjuhën angleze. Kandidatët e interesuar duhet të dërgojnë dokumentat e tyre në adresën e mëposhtme: [email protected] (duke referuar titullin e punës në mesazhin tuaj).

Vetëm kantidatët e përzgjedhur do të kontaktohen për intervistë. Kandidatëve mund t’iu kërkohet të sigurojnë dëshmi të formimit të tyre profesional, si dhe arritjeve të tyre dhe duhet të jenë të disponueshëm për intervista.

Afati i fundit për aplikime ( 27/12/2024), 17:00 CET.

Për çdo informacion, ju lutem kontaktoni: [email protected] dhe në faqen web të fondacionit https://bmf.al/karriera-ne-fmb-2

MENAXHER I SHERBIMEVE PER VIZITORET

PËRSHRKIMI I PUNËS

Menaxheri i Shërbimeve për Vizitorët është përgjegjës për organizimin, menaxhimin dhe përmirësimin e përvojës së vizitorëve në park. Ky rol përfshin sigurimin e standardeve të larta të shërbimit dhe në zhvillimin e programeve që rrisin kënaqësinë dhe ndërgjegjësimin e vizitorëve për rëndësinë kulturore dhe natyrore të parkut.

Përgjegjësitë:

Menaxheri i Shërbimeve për Vizitorët kryen detyrat si më poshtë:

– Monitoron dhe mbikëqyr operacionet e përditshme të shërbimeve për vizitorët, duke përfshirë biletarinë, udhërrëfyesit dhe shërbimet e informacionit.

– Përgatit dhe ndjek zbatimin e planit vjetor të veprimtarive tregtare, kulturore, artistike, turistike, si dhe kalendarit të aktiviteteve artistike e social-kulturore.

– Zhvillon dhe propozon strategji për të përmirësuar angazhimin dhe kënaqësinë e vizitorëve.

– Sigurohet për saktësinë, efikasitetin dhe ndjekjen e duhur të procedurave operacionale dhe financiare të biletarisë.

– Kryen vlerësime dhe analiza të rregullta të shërbimeve për vizitorët për të identifikuar fusha për përmirësim.

– Siguron që anëtarët e stafit të jenë të mirë informuar për trashëgiminë kulturore dhe natyrore të parkut për të ofruar informacion të saktë dhe tërheqës për vizitorët.

– Zbaton të gjitha rregulloret dhe udhëzimet e brendshme të Fondacionit për Menaxhimin e Butrintit që lidhen me operacionet e shërbimeve për vizitorët dhe pozicionin e tij.

– Përgatit raporte të rregullta mujore mbi aktivitetet e shërbimeve për vizitorët, operacionet e guidave, rojeve dhe oficerëve të biletarisë, si dhe çështje të tjera të rëndësishme, duke përfshirë informacion dhe statistika mbi numrin e vizitorëve në park dhe të dhëna të tjera.

– Ndërmerr masat e nevojshme për implementimin dhe monitoron zbatimin e protokolleve të sigurisë për të garantuar sigurinë e vizitorëve dhe stafit.

– Në lidhje me guidat, mban të dhënat e pjesëmarrësve të turit, demografinë e tyre dhe përshtypjet për të përmirësuar dhe përditësuar programin dhe shërbimin e guidës.

– Ofron mundësi trajnimi për guidat e FMB për rritjen e njohurive dhe aftësive të tyre rreth arkeologjisë, të folurit në publik dhe angazhimit me vizitorët.

– Në bashkëpunim me guidat e FMB rishikon dhe përditëson rregullisht përmbajtjen e turit bazuar në përshtypjet e vizitorëve dhe gjetjet e reja arkeologjike për të mbajtur eksperiencën të freskët dhe informuese.

– Sigurohet që teknologjitë për shërbimet e vizitorëve (kompjuterat, telefonat, biletaria, audioguidat, dhe çdo pajisje tjetër) janë funksionale.

– Sigurohet që çdo material promocional dhe broshurat për vizitorët janë te disponueshme në sasi dhe sigurohet për shpërndarjen e tyre për të gjithë vizitorët.

– Bashkëpunon me struktura të pushtetit vendor, me agjenci dhe operator turistik, udhërrëfyes turistik dhe strukturat akomoduese për rritjen e numrit të vizitoreve në park.

– Kryen takime të rregullta me ekipin, duke ofruar udhëzime dhe mbështetje për zhvillimin profesional.

AFTËSITË E KËRKUARA

Edukimi • Diplomë Bachelor në Menaxhim Turizmi, Menaxhim Biznesi, Marrëdhënie Publike, Histori dhe Shkenca Sociale, ose në një fushë të ngjashme.

• Diplomë Master ose specializime specifike në fushat e mësipërme, Trashëgimi Kulturore, ose në fusha të ngjashme.

Eksperienca e Punës • Të paktën 5 vite eksperiencë pune në menaxhim turizmi, menaxhimin e shërbimeve për vizitorët në site kulturore, menaxhim trashëgimie kulturore, marrëdhënie me publikun ose në fusha të ngjashme.

Cilësitë • Të këtë njohuri për menaxhimin e qendrave të vizitorëve dhe përvojës së vizitorëve në site kulturore.

• Të ketë njohuri dhe përvojë në sigurimin e pajtueshmërisë me ligjet, rregulloret dhe standardet kombëtare dhe ndërkombëtare që lidhen me ushtrimin e detyrës së tij/saj.

• Duhet të jetë i/e aftë për të monitoruar dhe mbikëqyrur operacionet e përditshme, duke siguruar që çdo detaj të jetë i menaxhuar në mënyrë efektive dhe sipas rregulloreve të Fondacionit.

• Të ketë njohuri për metodologjitë dhe teknikat për analizimin e përvojës së vizitorëve dhe për zhvillimin e strategjive që rrisin angazhimin dhe kënaqësinë e tyre.

• Të ketë përvojë në mbikëqyrjen e procedurave të biletarisë dhe menaxhimit të operacioneve financiare, duke siguruar saktësi dhe efikasitet.

• Të ketë aftësi për të zhvilluar dhe mbikëqyrur protokollet e sigurisë për mbrojtjen e vizitorëve dhe stafit, duke ndërmarrë masa parandaluese dhe duke menaxhuar situata emergjente.

• Të ketë aftësi komunikuese dhe ndërpersonale për të bashkëpunuar me palët e interesuara brenda dhe jashtë institucionit.

• Të ketë aftësi për të udhëhequr dhe motivuar një ekip.

• Të ketë njohuri në përdorimin e Microsoft Office Suite (Excel, Word, PowerPoint).
Komunikimi • Të ketë aftësi të mira komunikimi në gjuhën angleze

DOKUMENTA PËR DORËZIM

• Curriculum Vitae
• Letër motivimi
• Dy letra referimi

I gjithë dokumentacioni i aplikimit duhet të dërgohet në gjuhën angleze. Kandidatët e interesuar duhet të dërgojnë dokumentat e tyre në adresën e mëposhtme: [email protected] (duke referuar titullin e punës në mesazhin tuaj). Vetëm kandidatët e përzgjedhur do të kontaktohen për intervistë. Kandidatëve mund t’iu kërkohet të sigurojnë dëshmi të formimit të tyre profesional, si dhe arritjeve të tyre dhe duhet të jenë të disponueshëm për intervista. Afati i fundit për aplikime ( 27/12/2024), 17:00 CET. Për çdo informacion, ju lutem kontaktoni: [email protected] dhe në faqen web të fondacionit https://bmf.al/karriera-ne-fmb-2

MENAXHER I INFRASTRUKTURES

Përshkrimi i pozicionit:

Menaxheri i Infrastrukturës është përgjegjës për mbikëqyrjen e mirëmbajtjes, sigurisë dhe shëndetit në punë, sigurisë fizike dhe funksionimit në tërësi të ambienteve fizike të parkut arkeologjik të Butrintit. Ky rol bën pjesë në Departamentin për Menaxhimin e Sitit dhe përfshin veprimin si personi përgjegjës dhe pika e kontaktit të FMB për zbatimin e planit të sigurisë dhe shëndetit në punë, sigurisë fizike dhe menaxhimit të riskut të fatkeqësive natyrore.

Përgjegjësitë Kryesore:

Përgjegjësitë dhe detyrat kryesore të Menaxherit të Infrastrukturës përfshijnë:

• Mbikëqyrjen e rregullt të mirëmbajtjes dhe riparimit të ambienteve të pasurisë kulturore, duke përfshirë qendrën e vizitorëve, ambientet sanitare, sinjalistikën dhe ambientet e magazinimit;

• Kryerjen e inspektimeve rutinë për të vlerësuar kushtet e infrastrukturës së parkut dhe për të identifikuar riparimet ose përmirësimet e nevojshme;

• Zhvillimin dhe implementimin e një plani mirëmbajtje parandaluese për të siguruar jetëgjatësinë e infrastrukturës dhe pajisjeve.

• Planifikimin dhe bashkëpunimin me palë të treta për realizimin e dezinfektimit, dezinsektimit, deratizimit;

• Bashkëpunimin me sektorët e tjerë për të siguruar që veprimtaritë e tyre mbështeten me infrastrukturën, materialet dhe pajisjet e nevojshme;

• Monitorimin e kushteve të sitit për të zbatuar masa për mbrojtjen e monumenteve nga dëmet mjedisore dhe vandalizmi;

• Sigurimin e menaxhimit të peizazhit për të përmirësuar aspektet estetike të parkut dhe për të ofruar një eksperiencë sa më të mirë për vizitorët;

• Bashkëpunimin dhe mbështetjen për nismat e konservimit arkeologjik dhe ekologjik, duke vënë në dispozicion stafin e mirëmbajtjes sipas një plani të koordinuar me sektorin e konservimit arkeologjik dhe sektorin e konservimit ekologjik;

• Përgatitjen dhe zbatimin e një plan trajnimi të të gjithë personelit të FMB në lidhje me aspektet e sigurisë dhe shëndetit në punë, si dhe planeve të përgjigjes ndaj emergjencave;

• Kontrollimin dhe sigurimin për përputhshmërinë e shërbimeve të shoqërisë së sigurisë fizike private me kushtet dhe termat kontraktuale.

• Menaxhimin e magazinës së FMB.

• Zbatimin e urdhrave dhe rregulloreve të brendshme të Fondacionit për Menaxhimin e Butrintit në lidhje me pozicionin e tij.

• Jep përgjigje teknike për problemet specifike që mbulon sipas detyrave që i ngarkohen.

• Paraqitjen e raporteve periodike ne lidhje me përgjegjësitë dhe detyrat qe lidhen me pozicionin e tij tek departamenti përgjegjës paranë të cilit raporton, Drejtori Ekzekutiv, si dhe pranë Bordit të Drejtorëve kur është e nevojshme për problematikat dhe rekomandimet përkatëse.

AFTËSITË E KËRKUARA

Edukimi • Diplomë Bachelor në Inxhinieri Ndërtimit, ose në një fushë të ngjashme që lidhet me pozicionin përkatës.

• Diplomë Master në Inxhinieri Ndërtimi, ose në një fushë të ngjashme.
Eksperience Pune • Të paktën 5 vite eksperiencë pune si Menaxher Infrastrukture, Inxhinier Ndërtimi, Inxhinier Konstruktor apo në një rol të ngjashëm.

Kualifikimet • Njohuri të mira të rregulloreve infrastrukturore, mjedisore, legjislacionit të brendshëm si dhe konventave ndërkombëtare në fuqi në Republikën e Shqipërisë.

• Aftësi të shkëlqyera për zgjidhjen e problemeve dhe analitike, me aftësi për të vlerësuar dhe menaxhuar rreziqe dhe ndërhyrjet e nevojshme infrastrukturore.

• Aftësi në identifikimin e problematikave infrastrukturore si dhe ndërhyrjeve të nevojshme për përmirësim.

• Aftësi për të bashkëpunuar në mënyrë efektive me ekipet e brendshme, menaxhmentin dhe aktorët e jashtëm.

• Aftësi të mira komunikimi, të shkruara dhe verbale, si dhe aftësi për t’u koordinuar me ekipin mbështetës për të siguruar bashkëpunimin efektiv gjatë zbatimit të detyrave të tyre në lidhje me sektorin e infrastrukturës.

• Aftësi të mira organizative dhe menaxhuese.

Gjuhët • Të ketë aftësi të mira komunikimi në Anglisht në të folur dhe të shkruar.

Aftësi teknike dhe fizike • Aftësi në Microsoft Office Suite (Excel, Word, PowerPoint).

• Aftësi për të kryer inspektime dhe auditime në terren dhe në kantiere të ndryshme, të cilat mund të kërkojnë ecje, ngjitje dhe qëndrueshmëri fizike.

DOKUMENTA PËR DORËZIM:
• Curriculum Vitae
• Letër Motivimi
• Dy letra referimi

I gjithë dokumentacioni i aplikimit duhet të dërgohet në gjuhën angleze. Kandidatët e interesuar duhet të dërgojnë dokumentat e tyre në adresën e mëposhtme: [email protected]. (duke referuar titullin e punës në mesazhin tuaj). Vetëm kandidatët e përzgjedhur do të kontaktohen për intervistë.

Kandidatëve mund t’iu kërkohet të sigurojnë dëshmi të formimit të tyre profesional, si dhe arritjeve të tyre dhe duhet të jenë të disponueshëm për intervista. Afati i fundit për aplikime ( 27/12/2024), 17:00 CET. Për çdo informacion, ju lutem kontaktoni: [email protected] dhe në faqen web të fondacionit https://bmf.al/karriera-ne-fmb-2