Një grupim ekstremistësh grekë i quajtur AT.AK publikoi pak ditë më parë listën e shqiptarëve që duhen vrarë sipas tyre. Lista u publikua nga Himara.gr, ndërsa aty spikaste emri i Agim Bajkos, gazetarit Artan Hoxha apo dhe kreut të PDIU-së, Shpëtim Idrizi.
Ndërkohë, në fund të listës ekstremistët grekë bëjnë thirrje për eleminimin e një polici në Gjirokastër, emrin e të cilit nuk e bëjnë të ditur. Sipas tyre ai ka rol në neutralizimin e terroristit që qëlloi me armë ndaj policisë, Kostantinos Katsifa.
Nuk dihet nëse lista është një shaka e disa të rrjedhurish apo pas këtij emri fshihen realisht persona të rrezikshëm, megjithatë i mbetet detyrë shtetit shqiptar që të marrë në mbrojtje policin e piketuar prej tyre si edhe familjen e tij.
