64 vjeçari Trifon Gari, i cili jetonte i vetmuar dhe i pastrehë që nga sot do të jetojë në Shtëpinë e të Moshuarve në Gjirokastër. Ministrja e Shëndetësisë dhe Mbrojtjes Sociale ka dhënë lajmin e mirë me një postim facebook, e cila shkruan se pas referimit të rastit pranë strukturave të Shërbimit Social Shtetëtor në Gjirokastër, i moshuari është strehuar në Shtëpinë e të Moshuarve ku po merr përkujdesjen e nevojshme nga stafi i qendrës. Manastirliu thekson gjithashtu se të gjitha Institucionet e Përkujdesit Shoqëror janë në gadishmëri për të mbështetur fëmijë, persona me aftësi të kufizuar, të moshuar që kanë nevojë për strehim urgjent, në këto dië të ftohta dimri.
