Edhe pse sot nuk është një ditë pushimi zyrtare, gratë e vajzat që punojnë në Bashkinë Gjirokastër nuk kanë shkuar sot në punë. Me një vendim jo formal, kryebashkiaku Flamur Golemi, ua ka lënë pushim 8 Marsin. Vetë ai e ka lënë të nënkuptohet këtë vendim përmes një postimi në faqen e tij në Facebook, ku ai shfaqet me gra që punojnë te Agjencia e Shërbimeve Publike.
“Burrat nën hije, lozin, kuvendojnë, pika që s’u bie, se nga gratë rrojnë! 😃 Fiks siç e ka thënë Çajupi është edhe sot e kësaj dite, prandaj gratë e vajzat meritojnë jo thjesht një ditë pushimi e feste, por mirënjohjen tonë të pamasë për gjithçka ato bëjnë në familje, punë e shoqëri. Bashkë me punonjëset e Agjencisë së Shërbimeve Publike përcjell urimet për të gjitha nënat, gratë dhe vazjat e Gjirokastrës e jo vetëm. Qofshi përherë të bekuara e me zemrën plot. Gëzuar 8 Marsin!”, shkruan Golemi. ©argjiroja.net
