Një aksident i rëndë me 8 viktima ndodhi mëngjesin e sotëm në Këlcyrë.
Ngjarja ndodhi rreth orës 04:00, në aksin rrugor Këlcyrë-Përmet në afërsi të fshatit Kuqar.
Dyshohet se shkak i aksidentit mendohet se ka qenë shpejtësia e tepër dhe fakti që shoferi, i cili humbi edhe vetë jetën në aksidentit, ishte nga Shkodra dhe nuk e njihte rrugën.
Në atë zonë rruga është e ngushtë dhe një kthesë e fortë kërkon një vëmendje të shtuar.
Dyshohet gjithashtu se mjeti mund të ketë qenë në ndjekje nga policia, por kjo nuk është e konfirmuar zyrtarisht ende.
Njoftimi i policise
Këlcyrë/Informacion paraprak
Rreth orës 04:00, në aksin rrugor Këlcyrë- Përmet, në afërsi të fshatit Kuqar, dyshohet se si pasojë e humbjes së kontrollit mbi drejtimin e automjetit nga drejtuesi, automjeti tip Benz ka dalë nga rruga dhe ka rënë në anë të lumit Vjosë.
Si pasojë e daljes nga rruga kanë humbur jetën 8 shtetas.( 7 shtetas dyshohet se janë nga vendet e treta dhe drejtuesi i automjetit nga Shkodra)
Në vendngjarje ndodhet grupi hetimor i cili nën drejtimin e Prokurorit punon për sqarimin e rrethanave dhe shkakut të aksidentit.
Gjithashtu në vendngjarje ndodhen Drejtori Vendor i Policisë, Drejtori i Departamentit për Kufirin, Drejtori i Policisë Rrugore dhe Drejtori i Rendit Publik.
Po në vendngjarje ndodhen dhe dy grupe të Forcës Kombëtare të Sigurisë.
Në përfundim të veprimeve të para do ketë njoftim më të detajuar.
