Përfshihet nga zjarri punishtja në Gjirokastër, dyshohet si pasojë e një shkëndije elektrike

Një zjarr ka rënë në një punishte çantash në Gjirokastër. Raportohet se nga flakët është përfshirë kati i parë i godinës pasi pas një shkëndije elektrike dyshohet se ka rënë zjarr në një makineri.
Mësohet se punishtja ndodhet në lagjen ”Zinxhiria” dhe deri më tani nuk raportohet për të lënduar. Por kjo punishte ndodhet shumë afër një karburanti, tek ish-fabrika e miellit, dhe zjarrfikëset kanë ndërhyrë në kohë për të mos lejuar përhapjen e flakëve.