Gazetari investigativ Artan Hoxha ka publikuar mëngjesin e sotëm disa foto nga një parcelë me hashash në veri të vendit dhe thotë se këtë vit si asnjëherë më parë çmimi ka shkuar në 1.600 euro. Foto sipas Hoxhës është shkrepur, dje më 2 tetor 2020.
“Mirëmëngjes Shqipëri… Me kasketë të vjetër, në kanabisin e ri.. Në pyjet me kanabis ka jetë. Pershëndetje zoti kryeministër. Nën kujdesin e veçantë të qeverisë suaj, Shqipëria e ka te garantuar edhe për një vit tjetër, brand-in e saj europian, Made in Albania… Si asnjëherë më parë, çmimi për kilogramë ka thyer rekord. Nga 1300 euro deri 1600 euro për kg, në varësi të cilësisë, me blerje direkt në fund të parcelës. Bëni durim, në ABC Neës një histori ekskluzive po bëhet gati… A kemi zgjedhje përpara apo jo?! Foto: North Albania 2 tetor 2020…”, shkruan Hoxha dhe ndan me ndjekësit fotot nga parcelat e kultivuara me lëndë narkotike e cila është bërë gati për vjelje.
