Si ma vranë serbët gjyshin, Modriç flet për fëmijërinë

Luka Modric, në një intervistë për një emision sportiv spanjoll, ka kujtuar episodin më të errët të fëmijërisë së tij. Mesfushori kroat i Real Madrid tregoi se si i vranë gjyshin.
Gjyshi më rriti, pasi prindërit ishin në punë dhe unë rrija te shtëpia e gjyshit. Ishte një ngjarje e trishtë që më lëndoi shumë, pasi ishte një njeri shumë i rëndësishëm për mua. Isha 6-7 vjeç dhe nuk isha shumë i ndërgjegjshëm, por mbaj mend se si po e kërkonin.Ai dilte përditë me bagëtitë dhe kthehej në të njëjtën orë. Atë ditë nuk u kthye, pasi e dinte që po e kërkonin. Në mbrëmje e gjetën dhe na erdhi lajmi. Ishte një ditë e trishtë për të gjithë ne, sidomos për babain tim.E kujtojmë me mall dhe na vjen shumë keq që nuk arriti dot të shikonte se çfarë kam arritur unë në karrierë dhe në jetë. Shpresoj që është duke parë nga lart, tha Modric.