Bashkia Gjirokastër do të bëhet me dy nënkryetarë me mbiemrin Muho. Pas Jorida Muhos, sot është emëruar në të njëjtin pozicion edhe Ylli Muho, i cili një vit më parë mori detyrën e drejtorit të Agjencisë së Shërbimeve Publike. Te kjo e fundit do të shkojë si drejtues Seit Rondo, i cili deri më tani ka qenë drejtor te Drejtoria për Administrimin e Pyjeve, Kullotave, Ujit dhe Shërbimit Veterinar. Në korrik të këtij viti Rondo u denoncua nga ish-kryeministri Sali Berisha për marrje ryshfeti. Sipas Berishës, Rondo kërkonte 1 mijë euro për t’i dhënë kullotën një bariu. Nuk dihet si janë motivuar lëvizjet e fundit, por mësohet se Ylli Muho si nënkryetarë do të ketë në fokus zonat rurale.
©argjiroja.net