Prej 19 ditësh vijojnë luftimet mes Armenisë dhe Azerbajxhanit në territoret e Nagorno-Karabakut. Gjatë natës ka patur bombarime të zonave civile, për të cilat të dyja palët kanë akuzuar njëra-tjetrën. Gjatë bisedimeve në Moskë, Azerbajxhani dhe Armenia ranë dakord për një armëpushim, vendimi ky që hyri në fuqi të shtunën, me qëllim shkëmbimin e të burgosurve dhe trupat e pajetë të vrarë në luftime. Por megjithëse të dyja frontet u zotuan për këtë, sulmet vazhduan.
Ministria e Punëve të Jashtme e Azerbajxhanit raportoi mbi përpjekjet e Armenisë për të marrë disa pozicione gjatë natës, por që pas përpjekjeve të pasuksesshme, u bombarduan vendbanimet civile në rajonet e Agdam, Ajabadi, Goranboi dhe Tatar. Nga ana tjetër, mediat publikuan foto të spitalit që u shkatërrua gjatë sulmit në Azerbajxhan. Ministria e Jashtme e rajonit të Nagorno-Karabakut ka thënë se shpërfillja e aleancës trepalëshe midis Turqisë, Azerbajxhanit dhe terroristëve ndërkombëtarë, nga vendet europiane, mund të çojë në pasoja të pariparueshme jo vetëm për Kaukazin Jugor, por edhe jashtë këtij territori.
