Deputeti i Partisë Socialiste Ervin Bushati u shpreh mjaft optimist për fitimin e zgjedhjeve parlamentare të 25 prillit, duke mos i kursyer elozhet ndaj kreut të PS-së, Edi Rama.
I ftuar në emisionin “Pasdite me Xhaxhiun”, Bushati tha se PS do të fitojë plus 74 mandate duke përsëritur suksesin e zgjedhjeve të 2017, duke shtuar se socialistët do të qeverisin të vetëm dhe se kryeministër do të jetë Edi Rama.
“Rama nuk është i rënë nga qielli, por është më i zoti i kësaj toke dhe ka bërë më të mirën për këtë vend. Unë si ekonomist them që ka vend për shumë më tepër për financat publike, shteti të bëhet promotor i zhvillimit përmjet investimeve publike të shtohen të arrihet shtimi i punësimit dhe rritja ekonomike,“-tha Bushati ndër të tjera.
Bushati është socialisti i dytë që shpreh hapur adhurimin për kryeministrin Edi Rama, pasi fillimisht ishte ministrja Elisa Spiropali, ajo që e krahasoi me heroin kombëtar, Skënderbeun.