Një 19 vjeçar është arrestuar pasi ka kërcënuar me vdekje kandidatin demokrat për president, Joe Biden. Sipas mediave amerikane, Alexander Hillel Traisman nga Seattle u arrestua në një fugon të mbushur me armë dhe eksplozivë. 19-vjeçari, i cili u arrestua disa milje larg shtëpisë së kandidatit demokrat, kishte një listë “për ekzekutime”.
Hetimet zbuluan se më 15 prill 2020, Traisman kishte shkruar “a duhet ta vras Joe Biden?” në një postim në internet.Traisman i tha policisë se ishte i interesuar për sulme terroriste dhe vrasje masive.
