Dje në çmimet muzikore “Billboard” ishin të pranishme dy yje botërore me origjinë shqiptare. Bebe Rexha, krijuesja e shumë hiteve, së fundmi e “I got you” dhe Rita Ora, që të premten prezanton këngën e saj të re, u bashkuan për të treguar se kur ‘dy bukuri shqiptare’ bëhen bashkë, situata është vërtet e nxehtë.
“Dy bukuri shqiptare bashkë”, thotë Bebe në videon e shpërndarë në rrjetet sociale teksa bashkë me Rita Orën qëndronin në sallën e çmimeve Billboard. Rita, e cila kishte veshur një fustan me bust të bardhë dhe rrjetë në pjesën e poshtme, tregoi të pasmet e saj shqiptare dhe e bëri Beben të bërtasë:
“Uaaauu, po shpërthejnë!”
Më pas Rita ia kthen me shaka se i ka parë videot e saj dhe e di se çfarë të pasmesh ka edhe Bebe. “Mos u hiq sikur edhe ti s’i nxjerr jashtë!”, ia bën Rita.
