Mitropoliti i Kishës serbe në Malin e Zi, Amfilohije, ndërroi jetë dy ditë më parë nga pandemia e koronavirusit. Ditën e sotme, atij i është dhënë lamtumira e fundit, pa marrë parasysh rregullat për të shmangur përhapjen e koronavirusit. Siç duket edhe nga pamjet e publikuara nga mediat serbe, edhe pse ndërroi jetë prej koronavirusit, arkëmorti i tij është mbajtur i hapur. Madje ka pasur edhe besimtarë që i kanë shkuar pranë dhe i kanë puthur duart.
Pamjet e frikshme kanë bërë xhiron e mediave, duke marrë parasysh faktin që pranë trupit të tij të pajetë kanë shkuar edhe të mitur. Më pas ashtu me arkëmort të hapur, ai është përcjellë në banesën e fundit. Për t’i bërë nderimet në Mal të Zi, në ceremoninë e varrimit ishte edhe presidenti serb, Aleksandër Vuçiç.
