Kryeministri Edi Rama nuk i ka kursyer batuatat me ish-ministren e Kulturës, Mirela Kumbaro. Në fjalën përshendetëse për çmimin e marrë nga Këshilli i Europës për “Shtëpinë me Gjethe”, duke e vlerësuar si Muzeu më i mirë për vitin 2020, Rama i atribuoi një pjesë të suksesit edhe Kumbaros. Në fjalën e tij, numri një i qeverisë me shaka falenderoi deputeten se e kishte ngitur muzeun me shumë pak të ardhura duke përmendur dhe faktin se ajo vjen nga qyteti i Gjirokastrës.
“Këtu janë prej disa prej miqve tanë ambasadorë që e kanë te detyruar të hyjnë në këtë shenajën tonë. kemi jetuar në kohën e Shtëpisë së gjetheve kur e gjitha ishte e mbuluar me gjethe. Ne nuk jemi mësuar të kundërshtojmë dhe si të bashkjetojmë me të kundërtën. Shtëpia me gjethe është një nga gjërat me të mira që ne kemi bërë. Dua të falendroj në mënyrë të veçantë Mirelën, që ka pas një aftësi për t’i qëndruar njerëzve në kokë dhe nga aftësia e saj. E ka pasur trashëgimi dhe ka bërë një punë të mirë dhe pa shpenzime. Se Mirela është nga Gjirokastra,”-tha Rama.
Muzeu Kombëtar “Shtëpia me Gjethe” ndodhet pikërisht në “shtëpinë me gjethe” në qendër të Tiranës. Emri i kësaj shtëpie nuk është rastësi e as metaforë: godina, e ndërtuar në vitet ’30-të, për të mos rënë sy të njerëzve, u vesh me gjethe dhe brenda saj. Vendosur në qendër të Tiranës, përballë Kishës Ortodokse “Ringjallja e Krishtit”, aty thuhet se është strehuar për pak kohë edhe Gestapo, gjatë pushtimit të vendit në Luftën e Dytë Botërore. Me instalimin e pushtetit komunist, mënjëherë pas luftës së dytë botërore, kjo godinë ishte një qendër hetuesie ku kryeheshin tortura ndaj shqiptarëve dhe jepej dënimi me vdekje. Më vonë u kthye në selinë qëndrore e përgjimeve të shërbimit sekret. Pas ’90-ës ndërtesa u braktis për të kthyer në një muze vetëm pak vite më parë…
