New Jersey u bë shteti i dymbëdhjetë në Shtetet e Bashkuara të Amerikës që legalizon përdorimin “rekreativ” të mariuanës për moshat mbi 21 vjeç. Krahas zgjedhjeve për presidentin e SHBA-ve, qytetarët votuan me 67% “pro” legalizimit në referendumin e thirrur duke u bërë shteti i 12-të në SHBA që bën të ligjshëm kanabisin.
Përveç New Jersey-it për legalizimin e përdorimit të mariuanës pritet të vendosin edhe tre shtete të tjera, Arizona, Montana dhe Dakota e Jugut. Aktualisht përdorimi për qëllime mjekësore lejohet në 33 shtete, por ligjërimi i përdorimit rekreativ ka pasur kundërshti për efektet e varësisë që mund të ketë te konsumatorët.
