Zbulohet një lloj i rrallë i gripit të derrit, simptomat mund të ngatërrohen me Covid

Ndërsa bota po vijon të përballet me pandeminë e virusit Covid-19, në Kanada është shfaqur rasti i parë i gripit H1N2 dhe është zbuluar në Albertan qendrore.
Një lloj i rrallë i gripit të derrit me vetëm 27 raste të konfirmuara globalisht që nga viti 2005, u zbulua në mes të tetorit pasi një pacient zhvilloi simptoma të ngjashme me gripin, u njoftua një ditë më parë nga zyrtarët kanadezë të shëndetësisë.
Pacienti u rikuperua shpejt dhe nuk ka asnjë provë që është përhapur. Të gjitha rastet e H1N2 të raportuara që nga viti 2005 janë lidhur me derrat, tha një prej ekspertëve në vend.
Dr. Theresa Tam, zyrtarja kryesore e shëndetit publik në Kanada, tha se virusi i rrallë i gripit “zakonisht merret nga ekspozimi ndaj derrave të infektuar” dhe nuk përhapet lehtësisht nga njeriu tek njeriu.
Një lloj i rrallë i gripit të derrit është zbuluar
H1N2 nuk është një sëmundje e lidhur me ushqimin, thanë zyrtarët e Albertas, dhe simptomat përfshijnë ethe, kollë, teshtimë, vështirësi në frymëmarrje, skuqje të syve ose inflamacion dhe mungesë oreksi.