Vaksina kundër Covid, për të cilën një ditë më parë u tha se është 90 % efektive do të mund të jetë gati në 3 mujorin e parë të 2021. Lajmin e bëri të ditur ministri i shëndetësisë në Gjermani, Jens Spahn. Spahn pret që Komisioni Europian të nënshkruajë një marrëveshje blerjeje me kompaninë BioNTech partnerin e saj Pfizer për vaksinën e mundshme kundër Covid-19. Komisioni Europian është në fazën e fundit të bisedimeve me BioNTech-Pfizer për furniuzimin me 200 milion dozave dhe me një mundësi për të blerë edhe 100 milion të tjerë.
Spahn tha se ai pret që Gjermania do të marrë deri në 100 milion doza të vaksinës BioNTech-Pfizer. Spahn përsëriti se ai nuk pret që vaksina të jetë në dispozicion para tremujorit të parë të 2021 por shtoi se ai priste që ajo të aprovohej shpejt.
