Një atentat me lëndë shpërthyese ka ndodhur sot pasdite në kryeqytetin grek, Athinë.
Shënjestra ishte ish-Kryeministri i Greqisë, Lukas Papademos. Automjeti i tij ka shpërthyer me lëndë ende të papërcaktuar fill pas ai hapi një zarf brenda të cilit kishte material shpërthyes.
Papademos ka mbetur i plagosur bashkë me shoferin e tij.
Mësohet se ai ka dëmtime në bark dhe në këmbë, por ndodhet jashtë rrezikut për jetën. Të dhënat e para thonë se ky zarf ka qenë një paralajmërim për të. Policia vijon hetimet për të zbuluar autorët dhe motivet që fshihen pas këtij akti.
