Kryeministri Edi Rama firmosi sot një vendim surprizë duke emëruar Besart Kadinë në postin e zëvendësministrit të Ekonomisë dhe Financave. Vendimi ishte suprizues pasi Kadia njihet si kritik konstruktiv i qeverisë dhe ka qenë anëtar i Këshillit Kombëtar të Partisë Demokratike si dhe ish-sekretar në këtë parti për sipërmarrjen e lirë.
Së fundmi, mediat pranë opozitës kanë publikuar edhe një dokument të firmosur nga Lulzim Basha që shkarkonte Besart Kadinë nga funksionet në PD, pasi kishte iniciaur lëvizjen politike “Alternativa”.
Vendimi i kryedemokratit Basha të kujtonte praktikat komuniste, pasi Besart Kadia akuzohej si “agjent”, me pretendimin se ishte financuar nga “burime të dyshimta financiare nga të klientëve preferencial të qeverisë”.
Por përveç shkarkimit nga funksionet drejtuese, në vendim thuhet se Kadisë i hiqet edhe e drejta elementare për të zgjedhur dhe për t’u zgjedhur në strukturat e partisë, duke vënë seriozisht në dyshim demokracinë në PD.
Konkretisht në pikën dy të këtij vendimi thuhet se Kadisë i: “Hiqet e drejta për të zgjedhur, për t’u zgjedhur në strukturat e Partisë Demokratike, për shkelje të parimeve bazë të funksionimit të PDSH, të sanksionuar në nenin 9 të statutit të PDSH-së”.
Keshtu vepronte dhe regjimi i Enver Hoxhes me “armiqte e kllases”, u hiqte te drejten e votes dhe zgjedhjes dhe i shpallte agjent te sherbimeve te hujaja dhe klasave te permbysura! Bravo Lul. Ia arritem dhe kesaj!
