Policia e Shtetit ka reaguar pas arrestimit ish-deputetit Kastriot Islami, i cili u kap pasi po lëvizte pa maskë.
Me një njoftim për mediat, Policia thotë se ish-deputeti ‘ka keqtrajtuar punonjësit e patrullës policore me një fjalor shumë të ulët’.
“Kastriot Islami është ndaluar nga patrulla e Përgjithshme si një kalimtar pa maskë. Ai menjëherë ka lëshuar ndaj punonjësve të policisë fjalë të ulëta, duke pretenduar se ai ishte një figurë publike që nuk mund të ndalohej prej tyre. Madje shtetasi i ka kërcënuar punonjësit e policisë, që “do ta shihnin pas 25 prillit, si të gjithë zagarët e Ramës’”, thuhet mes të tjerash në njoftimin e policisë! Nderkohe qe nje burim i gazetes “TemA” brenda policise ka zbardhur dhe me tej shfrimin dhe leshimin e gojes nga ana e ish deputetit te PD, Kastriot Islami.
Burimi brenda policise thote se Islami ka sulmuar policine dhe me fjalet “o lëtyrat e Rames, o dobiçat e Rilindjes”, duke kundershtuar madje dhe me force patrullen e policise!
Njoftimi i plotë:
Në mënyrë të përsëritur shtetasi Kastriot Islami është prononcuar publikisht me pretendimin që Policia e Shtetit e ka keqtrajtuar.
E vërteta është se ky shtetas ka keqtrajtuar punonjësit e patrullës policore me një fjalor shumë të ulët.
Kastriot Islami është ndaluar nga patrulla e Përgjithshme si një kalimtar pa maskë. Ai menjëherë ka lëshuar ndaj punonjësve të policisë fjalë të ulëta, duke pretenduar se ai ishte një figurë publike që nuk mund të ndalohej prej tyre. Madje shtetasi i ka kërcënuar punonjësit e policisë, që “do ta shihnin pas 25 prillit, si të gjithë zagarët e Ramës”!
Patrulla e policisë është detyruar ta shoqërojë atë në komisariat, ku janë kryer procedurat ligjore dhe i është komunikuar gjoba për mosmbajtjen e maskës mbrojtëse.
Duke hedhur poshtë akuzat e fabrikuara nga shtetasi Kastriot Islami për Policinë e Shtetit dhe shprehur keqardhjen për fjalorin e tij ndaj punonjësve tanë, gjejmë rastin të theksojmë se Policia e Shtetit nuk i shërben politikës por ligjit.
