Qeveria franceze paraqiti të mërkurën një ligj që synon përforcimin e parimeve republikane, por në versionin e fundit të tij është hequr fjala “separatizëm” pas reagimeve të shumta. Në projekt-ligjin e paraqitur qëllimi më i qartë mbetet lufta kundër Islamit radikal në shoqërinë franceze. Kryeministri Jean Castex u përpoq t’i paraprinte kritikave se ky ligj do të stigmatizojë myslimanët.
Porjektligji përfshin masat që kufizojnë arsimimin në kushtet e shtëpisë dhe nxit një kontroll më të ashpër të financimit të shoqatave myslimane dhe veprimtarive të tyre. Drafti përfshin elementë të veçantë të cilët janë kundër urrejtjes online. Projektligji i ri erdhi pas sulmeve të muajve të fundit, si pasojë e së cilëve u vra një mësues Samuel Paty pasi kishte shfaqur para nxënësve karikatura të Profetit Muhammed.
