Koronavirusi ka dëmtuar shëndetin mendor, por jo të gjitha vendet e kanë vuajtur në mënyrë të barabartë, sipas një sondazhi të YouGov.
Gjermania ishte më pak e prekur, me rreth 44% të të anketuarve që thanë se ”pandemia kishte ndikuar negativisht në mirëqenien e tyre psikologjike”.
”Britania e Madhe ishte në skajin tjetër të shkallës me 65%, ndjekur nga Hong Kongu me 63% dhe Italia me 62%”, sipas sondazhit të institutit.
SHBA u renditën në vendin e nëntë me 56%, nga 16 vendet e përfshira në studim.
Mbi 21 000 njerëz u intervistuan në sondazh, i cili përfshiu moshat 18 vjeç e lart.
Studimi nuk dha detaje se sa të rrepta ishin masat e bllokimit në secilin rajon dhe sa i lartë ishte numri i vdekjeve në vend.
Gjermanët gjithashtu kishin më shumë gjasa të thoshin se virusi nuk kishte asnjë ndikim në shëndetin e tyre mendor, me 45 %.
