Situata në spitalet Covid/Ulje të numrit të shtrimeve, asnjë pacient i shtruar në spitalin Covid 4

Ndonëse vendi ynë po përballet me shifra në rritje të rasteve me koronavirus, që prej 5 ditësh situata në spitalin e Sanatoirumit duket më e normalizuar. Në spitalin “Shefqet Ndrowi” nuk ka më autoambulanca që presin në radhë për të dërguar në urgjencë pacientë me COVID-19.
Sipas burimeve, në intervalin e 1-2 orëve në këtë spital mund të paraqitet një autoambulancë. Ulja e rasteve të ambulancave që sjellin pacientë në gjendje të rëndë, ka bërë që të kemi një ulje të shtrimeve me 10 % në COVID2. Ndërkohë, raportohet se sipas mjekëve, rreth 80 % e pacientëve të shtruar në këtë spital paraqiten në gjendje të rënduar. Nga një panoramë të situatës në spitalin Infektiv, gjendja paraqitet më e qetë krahasuar me COVID2-in.
Në këtë spital që prej 15 nëntorit shkojnë vetëm rastet e Jugut të vendit, ndërsa pas 15 dhjetorit COVID 1 do të trajtojë dhe urgjencat e Tiranës. Ndërkohë në spitalin COVID4 ende nuk ka asnjë pacient të shtruar.