Në moshën 91-vjeçare ka ndërruar jetë një ditë më parë Viktor Gjoni, një nga emrat e shquar Zagorisë në fushën e shërbimit mjekësor. Viktor Gjoni ose Vito Gjoni, sikurse e thërrisnin nderanjotët e gjithë zagoritët, cilësohet me të drejtë emblemë zagorite e shërbimit shëndetësor. Për më shumë se 40 vjet ai shërbeu denjësisht në këtë sektor duke lënë mbresa të pashlyeshme si infermier e ndihmës mjek i përkushtuar në detyrë, i vëmendshëm e korrekt. Me korrektësinë dhe përkushtimin maksimal kudo ku shërbeu, ai u bë pikë referimi si kuadër i mesëm mjekësor i vijës së parë. Viktor Gjoni punoi në spitalin “Omer Nishani” të Gjirokastrës, në Drejtorinë e Shërbimit Shëndetësor të këtij rrethi, në spitalin e Sarandës apo në zonat rurale të Zagories, Lunxhërisë, Labovës, Bulos, Lazaratit e Labërisë. Si ndihmës mjek shërbeu gjithashtu edhe në qendrat shëndetësore të Zhejit, Hoshtevës, Topovës e Doshnicës. Vitet e fundit të jetës i kaloi në Tiranë, por asnjëherë nuk u shkëput nga Zagoria dhe Gjirokastra. Më poshtë po sjellim një artikull të botuar për të kohë më parë në gazetën kulturore “Çajupi Zagorisë”.
©argjiroja.net