Zëvendës Kryeministri i vendit Erion Braçe ka caktuar si pjesë përbërëse të grupit negociator për Shqipërinë me Bashkimin Europian, zëvendësministrin e ekonomisë, Besart Kadia. Besart Kadia, tashmë do të zëvëndësojë anëtaren e mëparshme të këtij delegacioni, Belinda Ikonomin. Vendimi është marrë ditën e sotme. Ekonomisti Besart Kadia është emëruar zv.ministër i Ekonomisë dhe Financave më 11 nëntor. Emërimi i tij ishte surprizë pasi Kadia deri para një viti ka qenë pjesë e listës të Këshillit Kombëtar të PD dhe jepte kontributin e tij pranë Partisë Demokratike si ekspert ekonomie.
