Vendet europiane mbyllin kufijtë me Britaninë e Madhe për shkak të variantit të ri të Covid-19

Shumë vende europiane kanë njoftuar pezullimin e udhëtimeve nga Britania e Madhe për shkak të variantit të ri të Covid-19 të zbuluar në këtë vend. Këto vende janë:
Qeveria holandeze pezulloi të gjitha fluturimet e pasagjerëve nga BM në 06:00 me orën lokale deri më 1 janar pas zbulimit në vend të një rasti infektimi me variantin e Covid-19 që qarkullon në një pjesë të territorit britanik.
Belgjika nisi pezullimin e fluturimeve dhe udhëtimeve me tren nga BM mesnatën e së dielës.
Gjermania ka ndaluar pothuajse të gjitha fluturimet me BM nga mesnata. Ministria e Brendshme, gjithashtu, ka urdhëruar të nisë kontrolli sistematik ndaj udhëtarëve nga BM dhe Afrika e Jugut.
Ministri i Jashtëm italian, Luigi Di Maio njoftoi pezullimin e fluturimeve me BM.
Spanja i kërkoi Brukselit një përgjigje të koordinuar nga BE në lidhje me pezullimin e fluturimeve nga BM.
Franca ka pezulluar në mesnatë të gjitha udhëtimet e njerëzve, përfshirë transportin e mallrave, në rrugë tokësore, ajrore, detare ose hekurudhore, nga Britania e Madhe, me përjashtim të mallrave të pashoqëruara.
Irlanda do të pezullojë lidhjet ajrore me BM për të paktën 48 orë nga mesnata e së dielës. Edhe lidhjet detare do të vazhdojnë të kontrollohen.
Norvegjia do t’u kërkojë udhëtarëve që mbërrijnë nga BM të paraqesin një test negativ Covid-19 për hyrjen në vend, sipas një deklarate të bërë nga Drejtoria e Shëndetit Publik.
Organizata Botërore e Shëndetësisë (OBSH) dhe Agjencia Europiane për Kontrollin e Sëmundjeve (ECDC) u bënë thirrje anëtarëve të tyre në Europë të forcojnë kontrollet e tyre për të luftuar përhapjen e variantit të ri.