Ish-deputeti i PD-së, Tritan Shehu, ishte gati i përditshëm në denoncimin e paradës me koleksonin e makinave “Retro” që u zhvillua në Gjirokastër më 23 tetor. Sipas tij pas këtij eventi në Gjirokastër pati raste të shumta me Covid. Shehu pretendonte se nuk ishin zbatuar kufizimet e pandemisë prandaj edhe për disa ditë u rritën frikshëm rastet e reja me koronavirus në Gjirokastër. Por kur vjen fjala te zbatimi i masave antiCovid, vetë Tritan Shehu me profesion mjek, i shkel me të dyja këmbët. Rasti më flagrant ishte sot në takimin që ai zhvilloi me strukturat e PD-së në Gjirokastër. Në ambientin ku po zhvillohej takimi ishin më shumë se 30 persona nga 10 që lejohet sipas aktitit normativ. Jo vetëm kaq, por një pjesë e konsiderueshme e tyre ishin pa maska. Pra, bëni si them unë, por mos bëni si bëj unë. Kjo është qasja e Tritan Shehut kur është fjala për kufizimet e pandemisë.
©argjiroja.net