Një 45 vjeçar me origjinë turke është ndaluar nga autoritetet shqiptare në Doganën e Kakavijës pasi po tentonte të kalonte drejt shtetit fqinj me pasaportë të falsifikuar.
Mësohet se turku i arrestuar është Azgan Aytoruglu 45 vjeç. Ai po tentonte të kalonte nga Shqipëria për në Greqi me dokumente të falsifikuara, e më pas të udhëtonte me avion drejt Gjermanisë.
45 vjeçari me origjinë turke është ndaluar nga Policia dhe po merret në pyetje për origjinën e pasaportës së falsifikuar dhe personat që ia kanë shitur atë.