Moti i keq në Greqi, mbyllen disa shkolla në Atikë

Moti i keq me reshje bore dhe temperatura të ulëta ka përfshirë Greqinë. Duke bërë kështu që rajoni i Atikës të njoftoi për mbyllje të shkollave në zona si Oropos,Villia, Grammatiko dhe Varnavas. Sipas mediave, Guvernatori i rajonit, Giorgos Patoulis, ka thënë se do të mbyllen edhe më shumë shkolla. Mësohet se vetëm shkollat fillore dhe kopshtet janë të hapura. Ditën e djeshme, termometri regjistroi -17 gradë në Follorinë dhe Kozan, në Greqinë veriperëndimore. Bëhet e ditur se një valë e tretë e të ftohtit, me dëborë dhe erëra të forta, pritet të godasë kryesisht Greqinë Jugore.