Nis ceremonia zyrtare e inaugurimit të Joe Biden si Presidenti i 46-të i Shteteve të Bashkuara të Amerikës. Presidenti i zgjedhur Joe Biden pritet të bëjë betimin si president pas pak çastesh.
Në një ceremoni këtë herë do të mungojnë njerëzit për shkak të zbatimit të masave kundër përhapjes së COVID-19.
Ekipi i Biden i ka mbajtur turmat në minimum dhe u ka kërkuar amerikanëve që të mos udhëtojnë në Uashington, DC, por ta ndjekin inaugurimin nga shtëpitë e tyre.
Komiteti i inaugurimit ka vendosur 200,000 flamuj që përfaqësojnë të 56 shtetet dhe territoret amerikane në vend të qytetarëve të cilët do të ishin të pranishëm.
