Njësoj si në zgjedhjet e vitit 2017, Vangjel Tavo po përgatit alibinë e humbjes së zgjedhjeve edhe më 25 prill. Mbahen mend deklaratat e tij asokohe kur fajësonte policinë për ndërhyrje dhe intimidim të votuesve. Tavo bërtiste me të madhe se sipas tij zgjedhjet po rrezikoheshin nga policia, por pa dhënë prova dhe fakte bindëse publikisht. Sot ish deputeti i LSI-së ka bërë një deklaratë tjetër, pa përmend emra, por duke ngritur të njëjtin rrezik imagjinar, që ngjan më shumë si përpjekje e radhës për të përgatitur alibinë e humbjes. Më poshtë deklarata e tij e plotë e bërë sot, si dhe reagimi i katër viteve më parë
NDAL kriminalizimit të Policisë së Shtetit. NDAL presioneve ndaj votuesve përmes individëve me rekord kriminal të cilët mbahen nën mbrojën e Ministrit të Brendshëm. Thirrja e zgjedhjeve të fundit e Kryeministrit drejtuar oficerëve të policisë “Hiqni kapelet dhe shkoni e bëni fushatë” po përsëritet. Tashmë kanë marrë nën tutelë edhe drejtues e ish-drejtues së policisë së shtetit, e individë kontrabandistë, për të intimiduar njerëzit e thjeshtë. “Rilindja” jo vetëm nuk e dëgjon apelin e fortë të përfaqësisë së SHBA në Tiranë për t’i qëndruar larg kriminalizimit por e sfidon atë dhe partnerët tanë ndërkombëtarë, publikisht dhe duke vënë në zbatim skema për të kriminalizuar procesin zgjedhor. Ne kemi prova se kush jeni. Ne jemi në dijeni të çdo lëvizje tuajën. Do mbani përgjegjësi një më një për çdo paligjshmëri tuajën dhe për intimidim të banorëve. Faktet do i bëjmë publike shumë shpejt. Nuk e frikësoni dot qarkun e Gjirokastrës, qofsh Kryeministër, Ministër, apo me uniformë policie. Ju ka zënë paniku i madh nga largimi i sigurtë. Jeni të pashpresë e nuk ka asgjë që t’ju ngushëllojë. Edhe 81 ditë banorë të qarkut të Gjirokastrës. Edhe 81 ditë banorë të mbarë vendit. Dhe sekti i “Rilindjes” do shporret përgjithmonë e do paguajë për të gjitha fajet, dëmet, dhe borxhet që i kanë shqiptarëve.
