Kryetari i Partisë Demokratike, Lulzim Basha ka folur për kandidimin e tij si deputet në qarkun e Tiranës. Në një intervistë për Tv Klan, Basha është pyetur se përse nuk kandidoi përballë Edi Ramës në Durrës, por zgjodhi Tiranës. Ai tha se nuk ka pse të shkojë ai përballë Ramës, po duhet të vijë ai përballë tij në Tiranë.
“Unë zgjedh të kandidoj në qarkun ku jam votuar për herë të parë deputet. Kjo është zgjedhja ime. Nëse Edi Rama do të më sfidojë në qarkun ku ka humbur është i mirë se pritur këtu dhe kudo tjetër”,- tha Basha.
Më tej ai përjashtoi çdo mundësi që të bashkëpunojë me Ramën pas zgjedhjeve të 25 prillit.
“Absolutisht përjashtoj çfarëdolloj mundësie bashkëpunimi me Ramën pas zgjedhjeve”,– tha Basha.
