Kryetari i Partisë Demokratike, Lulzim Basha ka pritur një grup të rinjsh, me të cilët ka zhvilluar një takim.
Në rrjetet sociale, kryedemokrati Basha ka shpërndarë dhe një foto ku të gjithë përshëndesin me dy gishtat lart.
Basha shkruan se është gjithmonë emocionuese kur takohet me të rinj që do të votojnë PD, teksa shprehet optimist për fitoren në zgjedhjet e 25 prillit për t’i sjellë një të ardhme më të mirë brezit të ri.
“Gjithmonë emocionuese kur takohem me të rinj që do të votojnë Partinë Demokratike! Ne do t’i fitojmë zgjedhjet për t’i sjellë një të ardhme më të mirë brezit të ri. Së bashku për ndryshimin, Shqipëria fiton! Ju dua” shkruan Basha.
