Avokati Spartak Ngjela duke komentuar listat e PS dhe PD që do të përfaqësojnë partitë e tyre në zgjedhjet e 25 prillit. Ai tha se krerët e partive kanë vendosur në lista njerëz që të mos i dalin kundër dhe i krahasoi me ato të Enver Hoxhës.
Për Ramën tha se ka 8 vjet që bën vetëm fjalë dhe brenda partisë së tij nuk ka bërë zgjedhje, ndërkohë për Bashën tha se ka të njejtën listë të 2017, ndaj është i humbur.
Pyetje: Cili është ekipi më i mirë?
Ngjela: Nuk janë lista ato, e keni gabim. Këto janë listat e bëra nga kryetari. Është njësoj si të më thoni si është lista e Enver Hoxhës? Ku kanë zë ata për cilësi, këtu do më flisni cila është cilësia e Ramës?
Ka 8 vjet fjalë fjalë e asgjë tjetër. Rrugët që i ka marrë borxh nga bankat. E dini në çfarë gjenjde është Shqipëria. Nuk ja kemi parë doktrinën. Nuk merrem unë me broçkulla, të flas për një staf që nuk kanë zë.
I kanë sjellë kryetarët që të mos i dalin kundër. Parlamenti është njësoj si kuvendi popullor i Enver Hoxhës. Cilët janë rivalët e Ramës brenda partisë që ai fitoi partinë? Noc rroku? Nuk ka demokraci të brendshme.
Pyetje: Këtë mendim keni vetëm për listat e PS apo dhe për ato të PD?
Ngjela: Pse flisni për të humburin? Ai ka listat e 2017, është i humbur. Stafi i tyre ka pikëpyetje të mëdha, nuk marrin vota në publik. Unë di që është i humbur. Kaq di unë.
