Drejtuesi politik i PS-së në qarkun Gjirokastër ka zhvilluar një takim me disa biznese të zonës së Pazarit. Çuçi shkruan se bërja zero e taksës së biznesit të vogël është unikale në rajon. Kjo taksë do të jetë zero deri në vitin 2029 tha Çuçi.
“Me përfaqësuesit e disa bizneseve të zonës së Pazarit në Gjirokastër diskutuam për ringritjen pas goditjes që ekonomia pësoi nga pandemia dhe impaktin e madh të investimeve që ne kemi bërë siç është restaurimi i plotë i Pazarit, si dhe kantiere të tjera që sapo kanë nisur; parkingu dhe rehabilitimi i sheshit “Çerçiz Topulli” bashkë me Bypassin. Përveç ndihmës nga paketat e posaçme gjatë mbylljes, heqja e taksës për bizneset e vogla është një suport unikal që s’e ka bërë asnjë vend tjetër në rajon. Taksa për bizneset e vogla do të mbetet #zero deri në vitin 2029”, shprehet Çuçi.
