Përjetësisht te Barça, ja oferta për Lionel Mesin

Një nga imazhet më të bukura të prezantim it të Joan Laportës si president i Barcelonës ishte pa dyshim përqafimi me Lionel Mesin. Githashtu edhe fjalët e tij përpara kapitenit ishin interesante. Takimi mes presidentit dhe Leos ishte dashamirës, ashtu si edhe ai me Pikenë. Lionel Mesi ishte një nga lojtarët që mori pjesë në prezantimin e Laportës si president i Barcelonës, pas zgjedhjeve të fituara më 7 mars dhe pas garantimit të 125 milionë eurove fonde.
Tani një nga prioritetet e mëdha të drejtuesve është vazhdimësia e kapitenit argjentinas, me të cilin ka një raport të shkëlqyer. Përqafimi mes tyre shton më shumë besim dhe shpresën te tifozët e Barcelonës, të cilët mendojnë që idhulli i tyre do të vazhdojë të qëndrojë edhe pas qershorit, muaj kur i përfundon kontrata. “Do të bëj gjithçka të mundem që Leo të vazhdojë, sepse ai është më i miri i historisë. Barcelona të do, por e rëndësishme është që të jesh mirë”, ishin fjalët e Laportës në prezantim duke ia thënë në dy Mesit. Avokati katalanas ka filluar nga puna për të parë bilancin e skuadrës në mënyrë që të prezantojë një ofertë konkrete dhe të duhur për babanë e “Pleshtit”, i cili është njëkohësisht menaxheri i tij.
Ai pritet që të udhëtojë drejt Barcelonës pas disa ditësh ku do të ketë takimin me presidentin. Mendohet se katalanasit do të bëjnë një ofertë me rrogë më të ulur sesa kjo aktualja, por ai do të ketë të drejtën që të firmosë përjetësisht me Barcelonën dhe të la lërë futbollin kur do vetë. Sigurisht që pas këtij momenti do të ketë një rol drejtuesi në skuadër. Mesi ka nevojë për një projekt pozitiv, për merkato dhe për lojtarë të mëdhenj pranë tij. Ai dëshiron që të fitojë sa më shumë trofe dhe të rikthehet të kandidojë sërish për “Topin e Artë”. Gjithçka është e hapur.