Kryetari i Partisë Demokratike, Lulzim Basha ka publikuar në rrjetet sociale një video ku shfaqet pranë një grupi të rinjsh në Gjirokastër.
Lideri demokrat shprehu vlerësime për mikpritjen që iu bë sot në këtë qytet, ndërsa theksoi se ndryshimi duket në sytë e rinisë shqiptare.
“Ju përshëndet nga Gjirokastra, e bukurive të ralla kulturore, djepi i shkrimtarëve. Kam kaluar një ditë të jashtëzakonshme nga mikpritja e tyre, qe është parapërgatitja për fitore. Jam me një grup te rinjsh, aktivistë të PD dhe te tjerë qe na janë bashkuar. Një betejë që po bëhet për çdo familje. E ndjej ngrohtësinë e ndryshimit që po vjen tek sytë e këtyre të rinjve. Pas 25 prillit do të jem aleati i tyre. Mos u dorëzoni, ndryshimi po vjen”, -tha Basha.
