Ronaldo: Do punojmë për të festuar këtë sezon

Ai ka fituar shumë çmime individuale në karrierë dhe për disa, sikurse e tregon edhe “palmaresi”, duhet të konsiderohet një nga lojtarët më të mëdhenj të të gjitha kohërave. Një tjetër njohje e rëndësishme i ka ardhur portugezit si “Lojtari i Vitit”, dhënë gjatë “Gran Galà del Calcio 2021”.
Cristiano Ronaldo u vlerësua si lojtari më i mirë nga një juri e përbërë nga trajnerë dhe kolegë të Serie A, për atë që bëri gjatë një sezoni, 2019-2020, të cilin e përfundoi me 31 gola të shënuar në 33 ndeshje të kampionatit, me shumë lojëra si kampion i vërtetë.
Një çmim që e arrin moshën 36 vjeç, por, siç konfirmohet nga CR7, mosha mund të llogaritet deri në një pikë të caktuar: “Ishte një vit i çuditshëm, që askush nuk shpresonte ta përjetonte, por në nivelin personal dhe ekipor rezultoi pozitiv, sepse fituam kampionatin. Fatkeqësisht kemi humbur Champions-in, por futbolli është i tillë. Sekreti është të vazhdosh ta shijosh futbollin. Qëndrueshmëria, besimi në forcat e tua, puna dhe pasioni janë sekreti. Pa to është e pamundur të luash në këto nivele, në moshën 34, 35, 36 ose 40 vjeç. Duhet të jeni të motivuar dhe të keni një disiplinë të shkëlqyeshme”.
Pas arrjes së çmimit, Cristiano Ronaldo shprehu kënaqësinë e tij edhe përmes një mesazhi të gjatë, të postuar në rrrjetet sociale: “Nuk mund të isha më i lumtur dhe më krenar për marrjen e “Lojtari i Vitit” për herë të dytë, që kur arrita në Itali. Faleminderit shumë për këtë njohje Shoqatës së Futbollistëve Italianë, Juventusit, shokëve të mi të skuadrës dhe tifozëve tanë.
Sidoqoftë, më lejoni që sot t’ua kushtoj këtë çmim të gjithë atyre të panjohurve për publikun e gjerë, që punojnë çdo ditë për ta bërë Juventusin një nga klubet më të mëdha në botë. Pas lavdisë sonë kolektive dhe triumfeve tona individuale ekziston gjithmonë një rreth i madh profesionistësh, që japin gjithçka që të mos na mungojë asgjë. Sot falënderimet e mia shkojnë për këto fytyra më pak të dukshme, por megjithatë të rëndësishme për sukseset tona. Ata janë heronj të vërtetë.
Më në fund, unë do të doja t’i premtoja të gjithë university të Juventusit se do të vazhdojmë të punojmë deri në ditën e fundit, sepse së bashku mund të kemi arsye për të festuar këtë sezon. Fino alla fine!”. Prandaj, Cristiano Ronaldo nuk ka ndërmend të jetë i kënaqur. Sezoni sapo ka hyrë në kulmin e tij dhe te Juventusi synojnë ta mbyllin me triumfe të tjera.