Pirlo: Inter, me fat. Duhet të fitojmë që t’i vëmë nën presion

Juventus po përgatitet që të kthehet në fushë.
Bardhezinjtë do të luajnë të dielën në kampionat kundër Benevento-s së Inzaghi-t, që vjen nga disa ndeshje jo shumë të mira.
Pirlo ka folur në konferencë për shtyp për ndeshjen:
“Është një sfidë e veçantë dhe e rëndësishme që vjen para ndërprerjes së kampionati për ndeshjet e kombëtareve. Ata janë një skuadër e mirë, do të duhet të bëjmë kujdes”, ka thënë trajneri i Zonjës.
Pirlo ka folur edhe në lidhje me shtyrjen e Inter-Sassuolo:
“Janë bërë gjëra ndryshe në këtë rast në krahasim me të tjerët. Ka ndodhur në një moment të mirë për Inter-in, që do të ketë mundësi të punojë dhe të mos i dërgojë lojtarët në kombëtare. Kanë qenë me fat në këtë aspekt. Ne duhet të fitojmë për të rritur presionin ndaj tyre”.
Në lidhje me të ardhmen e Ronaldo-s:
“Ka edhe një vit kontratë dhe jemi të lumtur që do të rrijë me ne edhe sezonin e ardhshëm. Tani jemi të përqendruar vetëm për fundin e kampionatit, duam ta mbyllim në mënyrën më të mirë të mundshme”.