Një kanal vaditës që merr ujë nga Doftia është rehabilituar në fushën e Libohovës dhe Dropullit. Bledi Çuçi, ish-ministër i Bujqësisë dhe drejtuesi politik i PS-së në qarkun Gjirokastër ka publikuar pamjet e këtij investimi, si dhe dëshminë e një prej fermerëve të zonës.
“Mbi 1 mijë Ha tokë bujqësore në fushën e Libohovës dhe Dropullit kanë tashmë një infrastrukturë vaditëse të përshtatshme. Rehabilitimi i kanalit që merr ujë nga liqeni i Doftisë është një investim i domosdoshëm për qindra fermerë të kësaj zone. Po ju kujtoj një të dhënë që është dëshmi e pakundërshtueshme e trasformimit të madh që kemi bërë në sektorin bujqësor. Në vitin 2013 sipërfaqja e ujitshme e tokës bujqësore ishte rreth 120 mijë Ha. Sot është dyfishuar në rreth 255 mijë Ha. Po të mos kishim bërë investime të tilla nuk do të kishim as rritje të prodhimit bujqësor dhe as rritje të eksporteve. Nafta pa taksa që aplikohet prej këtij viti është një tjetër lehtësi e jashtëzakonshme për fermerët. Na duhet mandati i tretë për të vijuar me punët që kemi nisur. Shqipëria nuk duhet të kthehet prapa te rrënimi dhe rrëmuja #PDLSI.“, shkruan Çuçi.
