Një tjetër person me ngjyrë është vrarë në SHBA nga një oficer policie duke shkaktuar protesta në qytetin Minneapolis.
Më 11 prill, policia hodhi gaz lotsjellës ndaj qindra njerëzve të mbledhur jashtë stacionit të policisë në qytetin e Brooklyn Center, në veriperëndim të Minneapolis.
Protestuesit qëlluan me gurë dy automjete të policisë.
Departamenti i Policisë tha se oficerët ndaluan një burrë për shkelje të rregullave të trafikut, para se të zbulonin se ndaj tij kishte një urdhër arresti.
Sipas njoftimit, kur policia u përpoq ta arrestonte, ai hyri përsëri në automjet dhe u largua.
Një oficer më pas qëlloi shoferin, i cili udhëtoi disa blloqe para se të përplaset me një automjet tjetër. Ai u shpall i vdekur në vendin e ngjarjes.
Burri është identifikuar nga të afërmit si 20-vjeçari, Daunte Wright.
Guvernatori i Minesotës, Tim Walz, tha se ai ishte “duke vëzhguar nga afër situatën” dhe po lutej për familjen Wright.
Në SHBA gjithashtu po mbahet gjykimi ndaj një ish-oficeri, Derek Chauvin, i cili po gjykohet për vrasjen e bujshme të një njeriu me ngjyrë, George Floyd.
