Kandidatja e LSI në Gjirokastër, Myrvete Asqeri, ka bërë një reagim pas skandalit të denoncuar në emisionin “Top Story”, i cili kishte konstatuar se ajo çuditërisht ka mbaruar njëherë universitetin pastaj ka bërë gjimnazin. Por Asqeri nuk thotë asnjë fjalë si qëndron e verteta, thjesht “lan gojën” me një reagim as mish as peshk, trazuar pastaj me fjali patetike të tipit “kam qenë shumë e zënë me takime” me popullin. Asqeri quan shpifje dicka qe e ka shkruar vetë në deklarimet që ka bërë në KQZ. Më poshtë reagimi i plotë i saj.
“Të nderuar miq, duke mos patur kohë për shkak të takimeve të shumta me banorët dhe takimeve të tjera që më presin po gjej këtë hapësirë për t’u thënë atyre, të cilët i njoh se cilët janë dhe i njeh e gjithë Gjirokastra dhe Shqipëria, se sajesat dhe shpifjet tuaja nuk funksionojnë pasi e dinë fare mirë banorët e Gjirokastrës dhe më gjerë nivelin tim profesional dhe certifikatat e mia dëshmojnë rezultate të shëlqyera në arsimin tim të mesëm dhe universitar. Të pashkollët dhe humbësit e “Rilindjes” të përgatiten emocionalisht, psikologjikisht dhe ligjërisht pas humbjes së madhe që i pret më 25 prill”, shkruan Asqeri.
