Nga Kjara Adhami
Për fundin e një fillimi të ri🙏
S’e kisha menduar më parë që në kaq pak ditë do të takoja kaq shumë njerëz e do të bëja kaq shumë miq e mbështetës të Partisë Socialiste. Që do të ecja në kaq shumë rrugë e do të bisedoja me kaq shumë të rinj e të reja nga Gjirokastra, Përmeti, Tepelena, Këlcyra, Memaliaj, Libohova dhe Dropulli. Ishte një rrugëtim i jashtëzakonshëm për mua.
Faleminderit me zemër që më keni pritur e më keni dëgjuar, që kemi ndarë së bashku idetë dhe vizionin se si mund të bëjmë më të mirën për familjen tonë të përbashkët, Shqipërinë. Mirënjohje për të gjithë aktivistët e Partisë Socialiste në qarkun Gjirokastër dhe për çdo të ri tjetër që na u bashkua në takimet tona e i bëri jehonë projektit për Shqipërinë e gjeneratës tjetër, për Shqipërinë që nuk dorëzohet e as kthehet prapa, por vazhdon rrugën drejt majës. Faleminderit familjes time që më ka mbështetur e më ka qëndruar pranë në çdo kohë.
Faleminderit kapitenit tonë në Gjirokastër, Bledi Çuçi, faleminderit Mirelës dhe gjithë skuadrës fantastike të Partisë Socialiste. Fundi i kësaj fushate dhe 25 prilli si momenti kulmor është fillimi i një epoke të re për Shqipërinë e së ardhmes. Unë ftoj secilin prej jush, ftoj çdo të ri e sidomos ata që votojnë për herë të parë, të zgjedhin me mendje dhe me zemër, të zgjedhin Partinë Socialiste, numrin #12🌹. Ky është MOMENTI JUAJ, është MOMENTI JONË, është momenti që Shqipëria të mos kthehet prapa. Faleminderit me zemër!