‘Plas’ te PD Gjirokastër, Roland Bejko: Po të isha në vend të Tritan Shehut nuk do e pranoja mandatin, nuk i takon (VIDEO)

Pas humbjes së zgjedhjeve nga Partia Demokratike kanë nisur të shfaqen akuzat e para jo vetëm ndaj Bashës, por edhe mes kandidatëve. Roland Bejko gjatë një interviste ne Fax News ka thënë se Tritan Shehu nuk duhet ta mbajë mandatin e vetëm që fitoi PD në Gjirokastër. Sipas tij Shehu ka qenë ndër më pak të propozuarit nga strukturat e PD-së.  Vec kësaj ai tha se Shehu ka përdorur Dasho Alikon për të rritur në mënyrë fiktive propozimet ndaj tij si kandidat për deputet. “Gjirokastra nuk e ka luksin të mbajë deputetë që vijnë nga qendra dhe nuk e kuptojnë sociologjinë e zonës pavarësisht origjinës”, tha Bejko. Sipas tij politikanët në Shqipëri nuk kuptojnë deri ku i kanë limitet, duke theksuar se edhe Tritan Shehu e ka mbyllur ciklin. Në videon më poshtë ndiqni intervistën e plotë e Bejkos. ©argjiroja.net