Arsenali jashtë Europe për herë të parë pas 26 viteve, ja çfarë do të ndodhë me Artetën

Arsenali do t’i mungojë Europës për herë të parë që prej vitit 1995 sezonin e ardhshëm dhe zërat për shkarkimin e Mikel Artetës po forcohen.
Megjithatë, “Daily Mail” zbulon se vendi i trajnerit spanjoll në stolin e “Topçinjve” vazhdon të jetë i sigurt, pavarësisht eliminimit nga Vijareali në gjysmëfinalen e Ligës së Europës të enjten. Drejtuesit e klubit nuk mendojnë se shkarkimi i menjëhershëm i Artetës do të ishte një zgjidhje.
Ai pritet të jetë sërish në stolin e “Emirates” edhe në fillim të sezonit 2021-‘22, por i vetëdijshëm se pozicioni i tij është shumë i lëkundur dhe një nisje me probleme e tij do të sillte edhe shkarkimin e pashmangshëm”.