Pas vendimit të DASH që shpalli non grata ish- kryeministrin Sali Berisha është ngritur pyetja nëse do të ketë sërish vendime të këtij lloji.
Nëse do të jetë radha e presidentit Ilir Meta, gazetari Arian Çani tha po duke shtuar se kur amerikanët duan të heqin qafe dikë ata presin të mos jetë më në pushtet.
“Unë besoj që po. Një gjë po kuptohet që kur amerikanët duan të heqin qafe dikë ata presin të mos jetë më në pushtet.
Do ta shpallin tani apo pasi të mbarojë mandatin… Pse nuk e shpallën Berishën non grata para 25 prillit? Nëse do kishte fituar PD unë mendoj se Berisha nuk do ishte shpallur non grata.
Berisha e di kush e ka bërë. Ky vendim tani është bërë publik, por është gatuar muaj përpara. Njeriu që është sot në pushtet ka lidhje shumë të forta me administratën amerikane, kjo nuk diskutohet”, tha Çani.
